" إمسك فيه … ماتسيبهوش " 
لو إنت قُصيَر… إطلع على الشجرة.

لو إنت أخرس… إجرى وراه.

لو إنت أعمى.....إستخدم صوتك و نادى عليه.

لو بتنزف دموع و دم… إلمس ثوبه.

لو إيمانك مش كافى… إستخدم إيمان أصحابك.

لو رفضك وصدَّك أول مرة قول له الكلاب تأكل من مائدة أربابها.

لو عمل معاك معجزة… إوعى تبقى من ال 9 إللى ماشكروش، خليك إنت الوحيد إللى شكر.

لو كل السكك إتقفلت وحسيت باليأس ...إعرف إن البحر هيتشق قريب.         
لو خطيّة ماسكاك ومانعتك تتحرك، اعرف انه هيغفرها ويحررك،هيفتح لك طريق لم تكن تتوقعه ، فوق العقل وفوق التصور ، يمكن فى أفضل توقعاتك لم تكن تتخيله !! 
     لما تحس إنها قلبت ضلمة  ...ما تخافش هو قادر ينور الطريق بقوة عجيبة ويمنع رجوع العتمة !!                
صدق إن ربنا عنده حلول خارج الصندوق ، حلول لكل صغيرة وكبيرة.
صدق أنه قادر جداً جداً جداً !!! 
ماتقولش طاقتى خلصت  
     ومش قادر أكمل 
     لكن إرفع عينيك 
قول له جدد مثل النسر شبابى يا أبويا السماوى،وهو هيسندك ويكمل وراك. 
 " قد جعلت أمامك باباً مفتوحاً " 
  ماتسيبهوش … إمسك فيه 
" أمسكته، ولم أُرخِهِ"